Scol di Polis lo ta reclutando hende. Jeanette Richardson-Baars, a splica cu nan a habri e solicitud pa e klas di otro anja, riba e niveau 4. Esey a haci door cu nan a ripara cu e procedura di seleccion ta tuma su tempo. Esey ta nifica cu si a cuminsa na Januari, manera custumber, nan ta falta tempo pa haci tur e testnan manera mester ta. Pesey a dicidi cu nan a habri’e den October. Esey ta nifica cu cualkier cu tin MAVO diploma caba, nan por solucita. Si nan tin tur e otro rekisitonan cu tin na Scol pa Polis, nan por aplica eynan. E no ta posibel mas pa bo bay na Warda di Polis pa solicita, pasobra, den pasado a haya solicitudnan di hende cu a keda pega eynan. No premedita, pero e no a yega cerca e scol. Hendenan por solicita ainda e siman aki.
Tin di compronde cu e ta bayendo bastante bon. Tin hopi inscripcion caba y esey ta nifica cu of nan ta extende e periodo di inscripcion, solicitud pa un of dos siman mas. Pero si tin suficiente hende, e ora eynan ta papiando di mas of menos 300 solicitante, e ora ta sigui pa e siguiente testnan.,
Testnan
Prome cos, e ta e rekisitonan cu mester cumpli cun’e. Mester tin bo MAVO diploma, bo mester ta 1.60 pa bo por aplica. Mester tin paspoort Hulandes. Bo mester tin un carchi cu no tin problema riba dje na husticia y esey ta tur e informacion cu bo mester pone riba bo formulario di solicita. Esey ta e prome stap cu tin cu cumpli cun’e. Si bo no ta cumpli cu e rekisitonan, bo no mag sigui.
E di dos fase ta cu nan ta haci un inteligentie test. E ta un Raven. Esey kiermen cu nan ta test hende con nan ta reacciona, con nan ta pensando. E ta algo cu no ta dificil. Bo no por train pe. Pero bo mester haya un cierto cantidad di punto pa bo por sigui. Si bo no ta haal’e, bo no ta sigui pa e siguiente.
E otro fase ta test di Hulandes. Test di Sport y tur dia esey bo mester pasa prome, pa bo por sigui. Si bo haal e test di sport, esey ta nifica cu ta bay den e dos fase, cu ta e dokter’s onderzoek. Esun di psicologo y esun cu ta conoci na pueblo como e antecedenten onderzoek.
Investigacion riba antecedente
Un investigacion riba antecedente, ta wordo haci pa polis mes, como informacion cu nan tin como polis, pero tambe esun cu Ministerio Publico tin riba un hende. Esey ta djis un parti di dje. Ta bay bishita e scol cu e studiante a bay. Ta pidi e docentenan pa informacion con e studiante a funciona na scol. Si e ta sinja bon, si e ta floho, si e ta traha pa su resultadonan. Ta bay e cas pa wak con e ta biba. Ta investiga su amigonan, cu ken e ta anda y naturalmente ta checki e informacion cu polis tin cu no ta conoci, no ta registra. Pero esey tur ta haci cu e antecedente no ta solamente e carchi cu bo tin na Ministerio Publico. Hopi hende ta bisa esey. Tin ora no a haci nunca nada, no a haya un conviccion, nunca a wordo gara como un sospechoso. Dicon no a haal e antecendenten onderzoek. Esaki ta door cu e ta un acumulacion di informacion cu ta yega na un punto cu ta bisa cu e persona eynan no ta adecua pa bira un polis. Pesey a cambia e nomber tambe di Algemene Geschigtheid onderzoek. No ta antecedente so, sino ta tur informacion cu ta busca riba un solicitante, pa por yega na un conclusion si un persona ta adecua of no. Si para tur esey, e ora bo ta haya finalmente e interview. Esey ta cu e comision cu alto comisario ta presidente di dje. Tin hende di DRH den dje, Personeelzaken, Richardson-Baars tambe ta den dje. Tin hende di Ministerio Publico den dje. E ta bastante uitgebreid tambe, y e ta tuma minimo un periodo di seis luna pa haci esey.
