Ta conoci cu desde cu a cera e dump dia 31 di december 2022, e situacion di sushi riba nos isla a empeora. Hopi ta e kehonan cu ta drenta tur dia na nos mesa di redaccion tocante e tiramento di sushi tur caminda, unda cu ta.
Asina tambe, diaranson mainta un ciudadano atento a trece na nos atencion e cantidad di sushi cu tin benta cant’i caminda na San Nicolas.
![](https://24ora.com/wp-content/uploads/2024/02/WhatsApp-Image-2024-02-29-at-13.43.38_b38670ca.jpg)
![](https://24ora.com/wp-content/uploads/2024/02/WhatsApp-Image-2024-02-29-at-13.43.38_c940f13c.jpg)
Recoriendo Bottom Hillweg, bin ariba, yegando Parish Hillweg, net pabou di ex-veld di Pepsi, den e mondi ey, tin yen di sushi benta. Si sigui bay noord, band’i e flying field, drentando Golfweg, tin cas bandona, yen di sushi benta rond di dje. Esaki no por sigui asina. Tur dia yen di turista ta pasa eybanda y ta esaki nan ta haya pa wak. Gobierno ta bin, gobierno ta bay sin cu ta haci nada. San Nicolas merece miho!
![](https://24ora.com/wp-content/uploads/2024/02/WhatsApp-Image-2024-02-29-at-13.43.38_1dfece1d.jpg)
![](https://24ora.com/wp-content/uploads/2024/02/WhatsApp-Image-2024-02-29-at-13.43.39_06a5861e.jpg)
![](https://24ora.com/wp-content/uploads/2024/02/WhatsApp-Image-2024-02-29-at-13.43.38_c9ec3572.jpg)
Brandarisweg, un caminda cu recientemente a haya asfalt, tampoco no ta scapa di e sushedad tira. Pero mas pabou tambe, banda di e veld di Lago Heights, n’e veld di Xander Bogaerts. Un veld hopi na werki, ful den mal estado, den outfield, banda di e baraknan, yen di yerba y sushedad benta. E ta un berguensa total.
Por a compronde cu City Inspector ta na altura di esaki.