Durante entrevista cu Edward Maduro di SADA, el a splica cu awor aki berdad tin problema na Venezuela. Pero e no ta kita afo cu hendenan lo keda sali ilegalmente for di Venezuela. Nos tur sa con dificil ta na Venezuela. E ta conta pa tur hende. Tanto pa esnan cu ta biba eynan pero tambe pa esnan cu ta labora y ta den Guardia Nacional, etc. Eseynan no lo bay evita cu cosnan ilegal lo bay keda sali for di Venezuela of otro paisnan.
Mirando cu bo tin e situacion unda cu bo tin hendenan lo bay keda sali ilegal, esey lo keda pasa y mirando cu tin e bezetting cu awor aki por haci kustsurveillance, ta scoge pa bay hink’e den un departamento di vrijmaking of bay reforsa aeropuerto, caminda cu pa hopi tempo sa con pa maneha e situacion, si dado caso tin falta di personal na aeropuerto of na vrijmaking. Pero bo ta scoge awor aki pa coy e hendenan ey, hincanan den vrijmaking pa yuda maak vrij e containernan, of ta bay pone hende traha na aeropuerto cu e intencion di kisas frena e overwerk, cual no tin problema cu esey. Si bo ta scoge pa esey y scoge pa laga frontera habri, ta fout bezig.
SADA lo bolbe haci e apelacion na minister di finansas y tambe a informa tambe e formador e tempo ey y awo prome minister, mester reactiva e controlnan na costa. No por laga esey den man di polis of kustwacht. Ya kustwacht a bisa cu nan no por ta tur caminda na mes momento. Tur e departamentonan aki tin problema cu personal. Si bo no tin e personal pa bo so haci’e, e ora uni forsa, pasobra nan ta esun cu ta cuida e leynan di Aruba. Jammer e mensahe aki no a yega cerca e director. SADA lo bay haci su empeño cu e minister pa purba nan tuma e decision pa reactiva e kustsurveillance. Situacion ta precario na Venezuela y nos tin cu cuida nos costanan. Tin hopi arma caba ta traficando na Aruba y tin cu duna polis un man y frena esaki na frontera y laga polis haci trabao paden di e isla, pa e ora Douane concentra na frontera.
