Loke Rudy Lampe a trece dilanti cu pa su motivacion pa privatisa DPS pasobra cu el a wordo nenga un trabao na Universidad, Parlamentario Arthur Dowers ta haya e cos totalmente ridiculo. Universidad ta un entidad netamente priva. Den sentido cu e ta un Sui Generis den e caso aki pasobr e ta wordo dirigi pa un raad y e raad aki ta wordo nombra pa Minister. Tin cu bisa cu e hendenan aki, ora nan wordo nombra, e periodo ta keda core y no ta asina tampoco cu ta retira tur di nan pasobra Gobierno a cambia. Na momento cu nan tin cu tuma nan retiro, ta nombra hendenan nobo. Ningun momento tampoco a haci escogencia politico eynan. Loke a haci na momento di nombra miembronan di raad di bestuur of college van curatoren, ta hendenan cu tin un taya profesional of formacion academico. No ta ken cu ta ta hinca hende den college van curatoren di Universidad.
Rudy Lampe mester realisa su mes cu si e kier argumenta cu pasobra Universidad no a dun’e un trabao awo e kier privatisa DPS, esey ta un cos ridiculo.
Universidad no ta cay bao di DPS. E ta un entidad riba su mes y a funciona tur tempo. Y Tambe ta asina cu e college ta haci cierto nombracion y proposicionnan di cierto funcionnan na minister y te na e momentonan aki, tur nombracion cu a wordo haci, a wordo cumpli cun’e y hasta tin cu bisa na varios ocasion, tabata nombra hende cu a traha hopi tempo y e hendenan aki nunca a wordo presenta na minister.
Minister Lampe mester bira serio y splica pueblo kico ta e motivacion tras di e privatisacion cu e kier haci den enseñansa publico.
