Diadomingo marduga alrededor di 2:30 am polis a presenta cu urgencia na Sero Blanco p’un caso di destruccion. Aki ta caminda cu dos ruman tabata discuti formal. Ta despues di un paranda basta largo, a topa otro un poco mas pariba di Bo Wah Supermarket na Sero Blanco. Ey tur cos a cuminsa y caba.
E otro ruman no ta gusta papia mucho, a pasa man pa un bloki y bah’e riba e glas patras di su auto, cu consecuencia cu a kibra e glas. A manda varios boter y baranca riba e auto marca Toyota modelo Camry color cora. Na yegada di polis, ya e ruman cu a kibra e glas a bandona caba. No a dura mucho cu polis a top’e den Sero Blanco mes. A deten’e mesora tambe.
