Manera ta conoci, tin hopi comentario cu ta moviendo rond den e dianan aki pa loke ta klapchi.
Un cos por bisa, cu e containernan di klapchi a yega algun dia pasa y naturalmente e tin cu pasa un proceso prome cu nan sali riba plaza. Y e proceso di control aki no ta solamente Douane, pero tambe DOW y Cuerpo di Bomero.
Pasobra e siguridad ta mas importante cu tur cos. Ya caba den e area di bendedonan por a sinti cu tin un mal contento. Pasobra nan kier busca un culpabel pa nan mesun eror.
Por ehempel door di yega of importa e klapchinan aki laat, ta pone presion riba otro departamentonan. Nan ta kere cu no lo pasa e testnan of no lo pasa e control door cu nan a yega laat cu nan klapchinan.
Rubin Ponson, experto di explosivo di DOW, a comenta cu nan ta tur dia bezig, habriendo tres container. Esey ta segun e ultimo añanan caba ta haciendo un trabao asina.
Pero e maneho di vuurwerk mes ta papia cu en berdad e containernan mester yega prome cu 1 di december. Dus pa 30 di november e mester ta riba e isla, pa e mesun motibo aki, pa habri dos container cada biaha y haci e risico menos cu algo por sosode.
Pa añanan largo caba e containernan ta yega laat, a dicidi pa purba habri tres container. E aña aki tin cu bisa cu e containernan ta yegando mas laat cu nunca. Algun dia pasa e containernan a yega, un cantidad di 20 container pareu. Y si habri tres container pa dia, no ta yega e fecha di 27 caminda cu nan tin cu haya e
klapchinan.
Esey ta loke ta purba di para riba dje cu no por bay mas cu esaki, debi na e reglanan di siguridad cu tin. Ta keda purba busca tur otro formula pa haci esaki, hincando fin di siman aden, dianan cu nan por ta liber, ta purba di hinca aden, dunando tur cooperacion pa wak pa toch por saca cierto di e klapchinan aki pa fin di aña toch pueblo por tin caminda pa cumpra su klapchinan y por tira nan fin di aña.
Esey no ta bay garantisa si cu tur klapchi lo ta afo pa dia 27. Ta buscando un manera, hunto cu e otro departamentonan pa traha riba 27, 28 y 29 mes, ainda lo ta habriendo containernan di klapchi riba Wela.
E importadornan
Ponson a remarca cu no a papia ni awe, ni ayera, ni luna pasa cu e improtadornan. Pa añanan nan tin ta yamando diferente reunion riba e mesun topico aki, pa wak pa e containernan yega tempran.
Nunca e ta yega tempran. E aña aki un biaha mas, ta yama reunionnan, ta papia cu e importadornan. Pero hopi biaha ta busca pa tira e culpa riba cualkier otro compania of barco.
Pero e situacion ta cu tin e 20 containernan aki riba Wela awor aki y cu nan mester haya nan.Nan lo por haya nan si en berdad, pero pa e departamentonan e prioridad ta pa tene e siguridad na prome luga. Esey ta siguridad pa tur e departamentonan envolvi den e trabao aki. Tur esnan trahando cu vuurwerk, bahando e containernan aki. Sigur e vecindario rond cu mester proteha. Pa nos isla, esey lo ta bay ta e motibo principal pa tene na e reglanan di siguridad pa wak cu tur cos cana nechi pa fin di aña.
Reunion cu gobierno
Ponson ta comenta cu tabata tin reunion cu gobierno tambe, hunto cu e importadornan y a splica tur e puntonan aki y mester bisa cu a sali for di un bon reunion caminda tur por a compronde cu e parti di siguridad ta hunga un rol hopi importante den esaki.
Caminda cu gobierno tambe a compronde esaki cu no por hinca ni e ambtenaarnan cu ta trahando den e parti aki di vuurwerk den e peliger ey y tampoco esnan, e importadornan cu nan trahadonan tampoco por ta hinca den e peliger ey.Banda di esey mester percura tambe pa e controlnan tuma luga banda di e klapchinan aki, caminda cu nan ta wordo bendi cu publico, caminda tambe mester garantisa un bon producto pa evita e risiconan di e klapchinan aki ora di benta.
Garantia
Locual cu a yega na dje, ta cu ta bay cuminsa hala e containernan aki dia 27 di december marduga, purba di saca mas tanto posibel prome cu mainta ainda. Wak con leu por yega. Una bes cu, si ta parti mainta ainda cu tin e luga liber na Wela, cu no tin mas trafico di halamento di container, por bay purba habri tres container mas riba e dia ey y wak si por caba ainda prome cu bahada di solo.
Pero esey ta bay depende di e movecionnan culo bay tuma luga entre e marduga ey, te cu e siguiente dia prome cu solo baha.E ultimo containernan lo ta dia 29 di december, cu lo ta habri. Si logra habri tres dia 27, ta habri tres dia 28 y ta habri dos e ora dia 29.
Klapchinan bieu
E klapchinan di 2018 cu ta den Wela awor aki, por bende nan ainda. Esey ta loke ta sacando afo. Esey tambe ta e otro parti, caminda cu ta habriendo tres container simultaneamente, sacando klapchi for di esunnan cu a sobra.Tin un trafico di truck, auto, cu forklift, hende ta tumando luga riba Wela, y esey ta e motibo cu mester ten’e bao di control tambe.
