Riba diadomingo 30 di september 2018 Aruba Reef Care Foundation a organisa su proyecto di beach clean up pa di 24 aña. E aña aki Rotary Club of Aruba atrobe a forma parti hunto cu su partner clubs, Rotaract Club of Arubay Interact Club of Aruba di Schakel College y boluntarionan cu semper ta sostene e club y proyectonan pa nos comunidad. E famia Rotariano a scoge pa haci “Bachelor’s Beach” limpi. A yena un truck di 3 yarda cu saconan di sushi yena cu plastic y otro material sushi cu a wordo recogi riba e beach.
Alabes Rotaract Club of Aruba a uni cu Rotaract Club di Maneiro Venezuela pa asina trese conscientisacion pa e dia internacional di limpiesa di costanan rond mundo uzando e nomber “World Beach Day” asina aki Rotaract ta uni su mes na e causa pa protega nos beach y reef nan y tambe conscientisa e pueblo di Aruba tocante e consecuencianan di sushedad riba beach y den lama.
Rotaract Club of Aruba tin nos medio ambiente na pecho y ta uza mas tanto posibel productonan ‘environmentally friendly’ cu ta biodegradable, compost of recycled pa asina yuda cu e reto aki den nos medio ambiente y tambe pa asina ta responsabel pa cu nos medio ambiente.
Rotary Club of Aruba kier a gradici tur e miembronan di Rotary Club of Aruba, Rotaract Club of Aruba y Interact Club of Aruba y tur boluntarionan cu a bin yuda cu e beach clean up. Un danki na Bon Bini Cargo cu a pone un trucks disponibel pa e diadomingo aki.
E famia di Rotary Club of Aruba ta yama danki specialmente na Aruba Reef Care Foundation cu ta organisa proyectonan valioso pa cuida nos beachnan.
