ATA ta gradicido di por tin oportunidad pa trece nan punto di bista dilanti. Nan ta haci uzo pa enfoca riba dos punto. Un di nan tabata diversificacion di nos economia. .
Ronella Croes, CEO di ATA a trata e maneho di ATA, pues e aspectonan na e manera cu Aruba ta organisa su maneho. Pa ATA ta importante pa Aruba sa e puntonan cu mester di atencion. E di dos ta con por sigura cu lo tin un maneho solido y duradero pa loke ta e producto turistico. Ta dos diferente aspecto. Pa loke ta e cifranan y desaroyo di con turismo ta bayendo, a dicidi pa lag’e un banda, p’awo. Recientemente a duna gobierno tur informacion necesario di esaki.. A duna informacion mas recien.
Pa loke ta ATA, Croes a splica cu nan a duna un recapitulacion pa esunnan cu no ta mucho conoci cu e organisacion. Si nan a pidi atencion pa e hecho cu ATA tambe a pasa den un aña hopi dificil, nan tabata tin un entrada di 62% menos compara cu 2019. Nan ta bayendo hopi mas miho di loke a pensa, pero toch mester di atencion.
Tambe a papia riba presupuesto 2022 cu ta den desaroyo. P’esey a subraya e hecho cu ATA por conta cu e modelo financiero, cu ta un di e bentahanan clave pa Aruba, si compara nan maneho di turismo pa medio di ATA, compara cu otro. E modelo aki a duna su resultado den e ultimo añanan, for di 2011, ora cu a independisa e departamento aki. Miho Aruba su turismo bay, mas nos por conta cu ne tambe. Si tin e fondonan necesario, por maneha y pusha e desaroyo aki.
