Tin un preocupacion ta reina entre e polisnan, relaciona cu e cantidad di arma di candela cu ta circula riba nos isla, pero polisnan tur dia ta exponi na e peliger di esaki pa motibo di falta di bulletproofvest.
Ta mas di un aña caba cu polis ta wardando riba esaki y te ainda nada. Aruba ta den pleno temporada di Carnaval cu ta bay bira hopi pisa, vooral esunnan cu ta tuma luga den oranan di anochi, manera Jouvert Morning, dos Parada di Luz y asina por sigui menciona. Pero ainda e agentenan policial no tin bulletproofvest.
Rodney Solognier, Presidente di Sindicato di Polis (SPA), manera ya indica caba cu nan tin mas di un aña sperando riba esakinan. Altocomisario a pidi pa dun’e dos siman di tempo pa asina e por busca un solucion riba e problematica aki, pa nan por haya sikiera 200 bulletproofvest. Di e tempo pidi door di Altocomisario, ainda falta un siman y nan ta dispuesto pa duna Altocomisario Arnhem e beneficio di duda.
ta conoci cu un di e problemanan grandi di Cuerpo Policial ta e falta di material, incluso bulletproofvest.
Segun SPA, cada dia sin e bulletproofvest ta un peliger grandi pa Cuerpo Policial.
