E lider di fraccion di MEP ta di acuerdo cu e reunion pa atende e desconfiansa cu ta existi awo contra Minister Marisol Lopez-Tromp. Aworaki Aruba ta den diferente crisis manera e impacto di COVID y e negociacion cu Hulanda. Rocco Tjon a bisa cu memey un crisis tur cos mester tin claridad.
Ta importante pa tin transparencia y e disputa di partido POR a bira uno nacional. Ta conta cu e presencia di Minister Marisol Lopez-Tromp pa brinda transparencia y claridad na tanto Parlamentarionan como hender pueblo riba e situacion. Tur cu ta Parlamentario y Minister tabatin un trabou prome cu a drenta nan funcion actual. Partido Movemento Electoral di Pueblo t’ey p’e proceso democratico encamina. E decision cu fraccion di MEP lo tuma, no lo haci esaki bou menasa.
Tin diferente opinion a surgi den e partido POR, p’esey ta importante pa scucha Parlamentarionan di POR y e puntonan di bista di e Minister di POR riba e puntonan treci padilanti. E Parlamentario di MEP kier sa e experencia di e mandatario riba e mediacion di partido POR y si ta mira solucionnan riba e diferencia di opinion.
Memey di e crisis cu Aruba ta aden, no ta husta cu e problema di partido POR ta trece e futuro di e pais. Ta trece instabilidad den e gobernacion y na final di dia lo resulta malo pa Aruba.
Si tur dos partido tin intencion husto pa yega na un solucion. Kier sa si ta dispuesto pa dialoga cu su partido y pa sali for di e impasse aki. aworaki ta memey di un crisis, p’esey pueblo merece trankilidad y di tin garantia con e gobernacion lo sigui.
MEP a haya retonan ora a drenta gobernacion y un di nan ta corupcion. Den e reunion di awe no ta trata corupcion, asina Tjon a bisa. Pero Fraccion di MEP ta sostene tur intento cu ta combati corupcion.
