Aruba total tabata riba un alerta pa bommelding y tambe drugmelding riba dos avion di Sunwing. Avionnan procedente di Canada, Montreal y Toronto.
Autoridad completo a activa den e caso aki. Esaki ta di cuatro caso di bommelding den seis siman cu a wordo registra, pero afortunadamente nada no a sosode.
A topa cu miembro di Rampenbureau, Rino Hermans, kende a splica cu nan a haya un sorpresa. E situacion e biaha aki tabata diferente, mirando cu e avionnan tabata biniendo Aruba ora cu e melding a drenta.
Hermans a splica cu un biaha mas a activa full un organisacion, poniendo aeropuerto plat. Pero mester a cumpli cu procesonan prescribi y cu tur hende tabata na altura di dje.
E trabao
Hermans a splica cu e mesun proceso, manera semper, a keda tuma. Esta ristra e avion pa artefactonan no identifica. Esey ta e proceso cu a pasa door di dje.
Kico lo sosode
Den e caso di ristramento di maleta, a keda den man di Cuerpo Policial. Rampenbureau tabata tey pa e proceso nacional. Si tur partner tabata na altura.
Rampenbureau a keda cla cu e proceso di laga e avionnan liber. Sin embargo polis ta bezig cu nan investigacion.
Aeropuerto a keda normalisa, segun Hermans.
E situacion
E acto aki ta prescribi den e procesonan. Ta un crisis na nivel di mas halto, esta un bommelding. Djey el a bira un bomalarm y na momento cu el a bira un bomalarm, full e structura a wordo activa, unda cu tur partner ta bin y den coordinatiecentrum ta coordina full e proceso con e tin cu cana.
Sefta un bommelding
Tin un proceso caminda cu cuerpo policial tin e expertonan. No ta facil, pero nan tin e tecnicanan adecua pa haci esaki, segun Hermans. Te awor aki mester a ristra den tur avion y mester a paralisa aeropuerto den tur cuater caso. E proceso ta prescribi cu esaki tin cu sosode na momento cu e melding drenta.
Tin diferente modo pa haya un melding y ta trata aki e biaha aki, dos vuelo cu tabata biniendo. Ta un melding di e mesun compania. No sa riba cua e melding ta conta.
