Tin pasahero cu ainda ta purba di pasa bao di radar, esta bypass e control di COVID na aeropuerto y ta algo cu a bin ta pasa den varios ocasion. Esaki tin atencion di parti di Crisis Team y a atende esaki tambe cu e personal di frontera.
Segun Rino Hermans, director di Bureau Rampenbestrijding Aruba (BRA), esaki ta bayendo pa un aña y mey caba y tin hende ta busca manera pa pasa. Pero a bati e alarma.
A hala atencion di esunnan encarga.
Tur esaki tin di haber cu yiu di prome minister, hunto cu dos persona mas, a pasa bay directamente den VIP Room sin pasa door di e canal corecto di control.
![](https://24ora.com/wp-content/uploads/2021/11/Untitled-design-25.png)
Loke ta cuestiona ta, ta con transparente y integro esaki ta, si e yiu di e prome minister a pasa e test di COVID. Aki a bypass DVG y Aduana y bay stret den VIP Room. Loke ta remarcabel ta cu nan bay Miami shop y drenta den porta den banda.
E hecho cu no a pasa Aduana, ta habri caminda pa critica y cuestionamento. Den e caso aki tambe autoridad a faya.
Pa cobertura mas amplio lesa edicion di TREMPAN mañan.