Durante conferencia di prensa di fraccion MEP, parlamentario Ricky Hoek (MEP) a indica cu como parlamentario e sa cu minister Tjon a sinta cu sindicato di polis y cu e encuentro a bay bon. A bin dilanti tur problema, pero e ta kere cu tin un solucion caba. Loke ta trata esun di helicopter, ya caba tin un solucion.
El a sigui indica cu e presupuesto tabata disponibel, pero solamente momento di e pago cos a bay diferente den e cadena di presupuesto. Pero a resolve esey caba. Pa loke ta e parti di uniform, esey tambe ta resolvi. E parlamentario ta kere cu minister Tjon ta hopi estricto den e parti ey. Tambe ta responsabel na momento cu e bisa di pon’e den presupuesto.
E presupuesto t’ey. Tur esey ta den e cadenanan di pago mester bay mira kisas unda el a keda pega un rato. E resultadonan ta positivo y esey tabata algo minister Tjon a duna di conoce. Tambe riba su medionan social por mira esey.
Incluso por bisa cu e sindicato di polis ta bayendo bon. Segun e mandatario e ta sinta cu nan y a tene combersacion. Parlamentario Hoek ta di pensamento cu ambos banda tin un acuerdo y entendimento mutuo.
Pa un cos asina pasa, el a expresa cu semper por evita algo, pero no ta algo cu por premira.
