Parlamentario Ricky Hoek di MEP recientemente durante un conferencia di prensa di su fraccion a elabora riba diferente topico. Entre nan a elabora riba e bishita di Mike Eman na Hulanda.
Segun Ricky Hoek, Mike Eman a bay haci un pantomina na Hulanda. El a sigui bisa cu den pasado diferente gobierno a introduci diferente fondo, entre nan: Fondo Desaroyo San Nicolas, Fondo Plan di Bario, Fondo Garantia Hotelero, Fondo di Proyecto PPP, Fondo BoAruba y awo Eman tin e fondo number seis na bista, esta Fondo Sociaal Cultureel Planbureau.
Na momento cu Mike Eman a tende cu Gobierno di Aruba tin un surplus y lo tin cu bay paga mas na Hulanda, el a haya e briyante idea di core bay Hulanda bay haci pantomina, Ricky Hoek a comenta. E kier crea un fondo nobo cual Sociaal Cultureel Planbureau.
Tipo di bureau asina ta encera hopi fondo y experto riba e materia aki, Hoek a bisa. E Hulandesnan a bisa Mike bon cla cu e proyecto aki no ta realistico pa Aruba. Mirando e costo cu e ta trece cu ne. Na Aruba mes Mike no ta tene cuenta cu CBS y Raad van Advies, tipo di ideanan asina, mester keda leu for di dje.
