E brasa di nos Señor Cristo Hesus ta hancho habri 24/7 pa tur esunnan cu kier bini serca dj’E.
Ta solamente E por kita dolor, preocupacion, rechaso, menosprecio,duda, angustia, orguyo, arogancia, duresa di curason, capricho, ta E so por haci nos liber di berdad.
Ta para scirbi: Mateo 11:28 : Bin serca mi tur cu ta cansa y carga, y lo mi duna boso sosiego.
No ta importa bo situacion, kico hende a haci bo, kico hende por a papia, no ta importa si hende a traiciona bo, hende a bandona bo, tur locual abo tin di haci ta , acerca Hesus y e lo duna bo sosiego, cu ningun hende por duna bo.
Ta para skirbi den 2 Corintionan 5:17: P’esey , si un hende ta den Cristo, ta un criatura nobo e ta, e cosnan bieu a pasa, ata tur cos a bira nobo.
*Hopi biaha e diabel ta gaña hende pone nan pensa cu e situacion di nan bida no por cambia, cu nan mester keda den nan eror, den nan inmoralidad, abominacion, adiccion, prostitucion,maldad, malicia, corupcion, pa asina destrui nan bida,pa no por alcansa cielo.
*Pero e palabra di Dios ta demostra cu no ta importa bo pica, bo sexo, si bo ta criminal of un persona cu tur hende ta rechasa pa motibo di su mal comportacion, si bo bini na Cristo, e brasa di Señor ta habri pa bo, no lubida e criminal riba cruz na Calvario, ni tampoco Saulo di Tarso.
*Materialismo tin hopi hende gaña , nan ta kere den poder di placa, y rechasa e amor di Dios, pa nan bida, pero nan ta lubida, cu Dios tin mas poder cu placa, y cu ta yega e momento cu hende lo sclama na Dios pa nan bida, y di nan famia.
Ta para skirbi Isaias 1:18-19 Bin awor y laga nos rasona hunto,Señor ta bisa. Maske boso picanan ta manera scarlata, nan lo bira blanco manera sneeuw.
Maske nan ta cora manera scarlata , nan lo bira manera lana. Si boso ta dispuesto y ta obedece, boso lo come e miho di e tera.
Salmo 103:3 ta para skirbi; Kende ta pordona tur bo inikinidadnan, kende ta cura tur bo malesanan.
Ningun hende no tin mester di laga e enemigo of hende uza nan pa maldad y inmoralidad, pasobra Señor t’ey pa libra y pa sana, di tur malicia y di tur scuridad.
Señor ta yen di compasion y gracia,Kende no ta rabia lihe, y ta abunda den misericordia.(Salmo 103:8).
Unabes nos reconoce Cristo Hesus como Señor y Salbador, y tene na cuenta tur momento cu ta cielo ta goberna nos bida, nos bida lo cambia, pasobra e no ta den nos mes man, pero den man di e altisimo.
Den Revelacion 3:20 ta para skirbi: Ata mi ta para, na e porta y ta bati, si un hende tende Mi bos y habri porta, lo Mi drenta cerca dje, y lo Mi cena cu ne y e cu Mi.
E evangelio di e reino di Dios, ta duna oportunidad pa yuda tur hende cu kier sali for di dominio di scuridad, y bini na e luz admirabel, cual ta Cristo Hesus.
Cerca Dios tin luga pa tur esunnan cu kier arepenti di pica y sigui cu un bida pa Cristo.
Romanonan 8:28 ta bisa: P’esey awor no tin condenacion pa esunnan cu ta den Cristo Hesus.
Romanonan 8:37 ta bisa: Ma den tur cos, nos ta mas cu vencedor, door di Esun cu a stima nos.
Romanonan 8:31 ta bisa : Si Dios ta cu nos ken por ta contra nos.
Skirbi pa Pastoor Marcel Balootje.
