Dialuna durante conferencia di prensa minister di Energia, Glenbert Croes, a indica cu e ta biaha pa Ecuador cu e obhetivo pa haya prijs bentahoso pa compra di combustibel pisa (heavy fuel oil, HFO). Directiva di Asociacion di Empleadonan cu un Contrato Laboral Individual den Servicio di W.E.B. Aruba N.V. (VWI)
Richard Frank, presidente di VWI, a splica cu den mundo di HFO ta simpel, pasobra ta haya esaki barata. Prijs di HFO ta bira barata pasobra e ta di mal calidad. Mas mal calidad e fuel oil ta, mas barata e ta si no nan no por bend’e. Si trece fuel oil barata y ta refleha automaticamente den calidad, cu ta malo, y bay push’e na e motor e ora ta problema grandi ta buscando p’e produccion di coriente na Aruba. El a indica cu si tira combustibel di mal calidad den e motor, e ora ta bay haya rapidamente problema tecnico. Segun Frank, combustibel di calidad malisimo cu por afecta e motornan den 24, 48 of 72 ora.
E no sa kico minister Croes ta bay haci na Ecuador, pero e ta kere cu e mandatario no ta gran experto den fuel oil tampoco. E no sa ken ta bay cu e mandatario y cu por ta experto riba fuel oil cu ta den gobierno. E ta keda un regla den mercado di azeta cu por cumpra barata, pero “lo barato sale muy caro”, el a indica. Kico precies nan meta ta, segun e mandatario, ta busca fuel oil mas barata, cu nan kier duna un alivio na pueblo. E ta desea nan exito riba esaki.
