En conexion cu dia mundial di actividad fisico, Aruba Bank a yuda sostene un serie di lectura gratis cu e meta pa promove “Bida Activo, Bida Largo”. E sesionnan a wordo teni na MFA Noord, MFA St. Cruz, MFA Savaneta y Sport Centrum na San Nicolas.
Diferente dietista y dokter a papia ariba e importancia pa mantene un estilo di bida saludabel. A elabora riba e miho forma pa hiba un bida saludabel y pakico ta importante pa tin un estilo di bida saludabel. Pa hopi aña Aruba Bank ta promoviendo actividad fisico pa comunidad di Aruba. Ta haci esaki na diferente manera, cu ta inclui patrocinio di ekiponan deportivo como tambe organisacion di actividadnan deportivo comunitario.
