Un tremendo trabou di Flex Team a conduci na detencion di tres homber. Den e auto a haya tambe un revolver carga cu cinco bala.
Tabata un Revolver Smith and Wesson caliber 38 Special. Esaki ta un arma potente. Tur cos a cuminsa ora cu Flex Team tabata den e area di Maracastraat cu Fiostraat. A topa un Tercel cu tres homber aden.
Polisnan a haya holor di marihuana y a bay pe. Ora cu tabata purba stop e auto a mira e movecion mesora den e auto. Esnan den e auto tabata purba di deshaci of tira pakinan cu droga for di e auto. Tabata pakinan di un of mas tipo di droga entre otro base.
A logra stop e Tercel y bay over na listramento. Den e proceso di listramento a topa cu droga pero pa nan sorpresa a bin haya e revolver tambe hinca den e Tercel.
A pidi pa dogcatcher y mesora a sigui e proceso di interogacion na warda. E arma a keda confisca y e auto tambe a hibe warda. Esaki ta un otro bon trabou di Flex Team.
