Partijraad di AVP a tuma luga dialuna anochi cu un Cas di Partido completamente yen atrobe. A duna y intercambia informacion riba e situacion precario cu Pais Aruba ta aden y kico tur ta na caminda. A papia riba tur medida cu a introduci caba.
Segun raport di Raad van Advies e medidanan na caminda lo ta devastador pa economia di pais Aruba y como tal e partido di mas grandi riba e isla aki ta yama su sostenedornan pa informa y prepara pa locual ta premira di bira un chaos total.
Miembronan a acepta e invitacion y por a mira un Cas di Partido cu atrobe a keda chikito pa tur cu a yega y vocifera nan malcontento. Pueblo ta na grito y ta sinti e malcontento tur caminda. Apart di miyones genera na medida den 2018 y 2019 tin tambe awor mas medida den presupuesto 2020.
