Dialuna atardi laat, alrededor di 6:30 pm, a nota presencia di diferente funcionario halto di husticia drentando sede di Bestuurskantoor. Entre nan, director di Guarda Nos Costa, representante di Guarda Costa, altocomisario interino di polis, InterPOL, y tambe Andrew Hoo, kende ta hefe actual di maneho na Instituto di Alarma y Seguridad Aruba (IASA)/Migracion Aruba.
Na salida di e reunion, e altocamisario interino di polis, Irma Gordon, a confirma cu nan a reuni cu Minister di Husticia, Rocco Tjon. E punto di agenda tabata; con pa mehora vigilancia na nos costa y con e entidadnan aki por traha hunto pa un miho resultado.
Manera ta conoci, ayera den oranan di anochi, un boto a yega tera for di paseit, alrededor di 3:00 am a logra detene un persona indocumenta. Pues, claramente por nota cu tin un buraco na e vigilancia di nos costa. Por spera mas desaroyo riba e tema aki e dianan nos dilanti.