Diasabra, den un Renaissance Convention Center completamente yen, a tuma luga e di 31 edicion di Black Tie Dinner & Ball.
Sharine Geerman, Presidente di Aruba Black Tie Foundation, a conta cu Black Tie Dinner & Ball a lanta 31 aña pasa bou di Aruba Junior Chamber. Many Lopez, cu tabata un juffrouw di scol y tambe un Senador den Aruba Female Jaycee’s.
Black Tie Dinner & Bow, a lanta 31 aña pasa bou di Jaycee’s. Pero Female Jaycees no tabata kier a tuma e encargo di organisa esaki, pa cual yiu homber di Many Lopez, Erwin Lopez a tum’e over bou di e halanan di Aruba Junior Chamber.
Fondo recauda for di e evento ta bay, mita pa un fundacion y e otro mita ta bay pa Jaycee’s pa nan por sigui cu nan biahenan, pa nan por sigui educa nan mes riba tereno di leadership. Pero despues Jaycee’s International a indica cu no por haci fundraising al estilo fiesta, cual a haci cu algun Senador di Jaycee’s, manera Sharine, a bin hunto y funda Aruba Black Tie Foundation a lanta na 2013.
Actualmente nan tin ocho aña como Aruba Black Tie Foundation, pero dies aña di nan fundacion. Door di pandemia tur cos a para, pa cual esaki ta nan di 10 aña desde cu a funda e organisacion, pero nan di ocho evento pa recauda fondo.
