Reino Hulandes ta bay tene competencia di su mesun Weganan Olimpico Special (Special Olympics Games). Esaki ta bay tuma luga dia 4 y 5 di november na Boneiro. Durante e dos dianan aki ta bay conta cu 200 atleta di tur seis isla Caribense y Hulanda. Mundialmente rond di 190 pais tin organisacion nacional di Olimpico Special cu ta organisa evento deportivo pa mehora bida di e personanan cu e incapacidad intelectual.
E organisacion ta cooperacion entre Special Olympics Bonaire, e departamento di deporte di Indebon y institucion di cuido FKPD bou guia di Niels Cannegieter (director di torneo na Hulanda den 2024 na Breda/Tilburg) cu guia/sosten di Olimpico Special Caribe, Olimpico Special Internacional y Olimpico Special di Hulanda.
Un aerolinea local ta sponsor e costo aereo p’e participantenan di Sint Maarten, Sint Eustatius, Saba, Corsou y Aruba. Manera e otro Weganan Olimpico Special, e costonan local pa acomodacion, transporte y cos di come y bebe ta cay riba cuenta di e organisado. Ta spera cu tur isla ta representa.
E iniciativa ta pas n’e deseo di e gabinete pa e accesibilidad y participacion pa persona cu ta incapacidad intelectual den henter Reino pa mehora. Previo n’e prome edicion di e Weganan Olimpico Special di Reino ta tene na Kralendijk un congreso pa papia riba e programa “Onbeperkt meedoen!” cu tambe por den e parti di Caribe di Reino.
