Hefe di Registro Civil y Censo ta participa cu conforme articulo 3 jo. 33 inciso 2 di nos Ordenansa Electoral, e ceramento di e Registro di Votado a tuma luga diaranson 7 di april 2021. Solamente e personanan cu ta aparece den e Registro di Populacion ariba dicho fecha, cu tin nacionalidad HULANDES y dia di eleccion tin 18 aña pariba, por vota na e eleccion dia 25 juni 2021. E Registro di Votado a cera cu un total di 70.281 votado.
VOTER’S CHECKTOOL
Pa averigua si bo nomber ta aparece den e Registro di Votado y na unda bo ta vota:
Bay riba Verkiezingen/Voter’s checktool y sigui e instruccionnan.
Registro Civil y Censo ta informa cu tur eleccion ta revisa e reparticion di urna, debi na e cayanan nobo y un aumento grandi di votado na cierto urnanan manera entre otro Noord/Tanki Leendert. Teniendo cuenta cu COVID-19 y e debido medidanan preventivo cu a wordo tuma di antemano pa evita aglomeracion, a subi e cantidad di urna di 62 pa 70 mas e dos urnanan ambulante, y a baha e cantidad di votadonan na cada urna. Esaki ta trece cu ne, cu no semper bo lo vota na e mesun urna.
RIJBEWIJS
Pa esunnan cu kier vota cu nan RIJBEWIJS cu NO a wordo traha na Censo, controla si e datonan (fam, nomber, fecha di nacemento, luga di nacemento) riba bo rijbewijs ta cuadra cu por ehemplo e datonan den bo paspoort Hulandes, ID kaart of bo oproepkaart pa eleccion 25 di juni 2021, cu lo yega na bo cas. Tambe por compara esaki cu esun den e Registro di Votado cu ta accesibel via e Voter’s Checktool riba nan website.
