Diahuebs tabata un dia grandi pa Red Machine, ya cu e dia cu tanto nan a spera riba a dje a yega, cual tabata e bautiso di nan uniform nobo cu e patronicio di Aruba Marriott Resort.
Noemi Tromp, Marketing Manager di Aruba Marriott Resort, a bisa cu nan ta hopi orguyoso di por a yuda e ekipo yega na nan uniform y ta algo bunita pa wak e sonrisa riba cara di e muchanan.
Marriott lo sigui ta un apoyo pa e ekipo y tin deseo di wak mas wega gana, ya caba nan tin cuater wega gana. P’esaki, Marriott ta sumamente orguyoso di e muchanan.
Pero semper mester recorda cu aunke cu no gana, participa n’e wega, ta mas importante ta pa wak e muchanna, cu ta e futuro di nos pais, ta activo den deporte y ta representa Aruba.
E dia aki hasta e General Manager tabata t’ey y Tromp a indica cu e idea a bin for di e GM di e hotel, pa apoya un team di deporte local. A pesar cu e no ta local, e ta apoya Aruba y e ta kere den dje. E ta algo cu por ‘look up’ na dje cual ta algo tremendo!
Ezra Bosnie ta coach di Red Machine Marriott U-10 y el a bisa di ta hopi gradicidio na Marriot pa nan cooperacion pa cu nan aporte na deporte local.
Red Machine tabatin un aña basta positivo, pero semper por ta miho. Y como team nan ta keda lucha pa ta miho.
Pa loke ta e futuro di Red machine, e organisacion dia pa dia ta keda crece cual ta un satisfaccion hopi grandi p’e.
Por ultimo, Bosnie tabatin un bunita mensahe p’e muchanan, pa nan haci nan best na scol, cu semper ta na prome luga.
Si bo haci bo best na scol, riba veld tambe tur cos lo cana bon.
