Aduana a descubri na haf di Rotterdam un cantidad grandi di droga cu tabata scondi den cargamento di bacoba. Ta papia aki di mercancia, sigur no di e bacoba, balora na 600 miyon euro.
Ministerio Publico a haci e anuncio aki awe y a informa cu ta papia aki di mas cu 8000 kilo di cocaina cu tabata scondi den un container di bacoba. Esaki ta e cargamento di droga mas grandi cu a yega di descubri na Hulanda.
E container a yega for di Ecuador via di Panama pa Rotterdam. A descubri e droga durante un control cu cachonan di droga. Despues di a scan e container, e Douaneronan a haya en total 8064 pakete di un kilo di cocaina.
A descubri esaki for i dia 13 di juli, pero a mantene e descubrimento secreto debi na e investigacion. A destrui e droga caba.
