mr. Raymond Kamperveen tin 46 aña y ta riba lista di partido RAIZ. Como cu e parlamentarionan Ursell Arends y Geoffrey Wever ta entrega nan retiro pa bira minister, e ta bin na nan luga y awe hunto cu Raymicheline Raymond ta huramenta.
Kamperveen ta di San Nicolas y manera tur mucha a bay scol basico despues Colegio na San Nicolas como Playa. Nunca el a pensa di studia afo y a bay Universidad di Aruba. El a haci su prome aña, pero e momento a yega pa tuma un decision di busca horizonte nobo. El a scoge pa bay studia fiscal economie, cual tin di haber cu impuesto, na Haanse Hogeschool Groningen.
Na 2003 el a termina su estudio y a bin bek Aruba na 2005 pa duna bek na su pais, unda el a bay traha na Departamento di Impuesto como tax auditor.
E ta un boluntario y hopi conoce como coach, pero ta traha cu e muchanan di San Nicolas di e organisacion White Shark. E ta haci esey pa mas diescuater aña. mr. Kamperveen ta di pensamento cu e trabou di boluntario mester inculca tanto den e muchanan como hendenan.
Tambe ta importante pa sa cu a base di su trabou como tax auditor, esaki ta combina bon awo cu e ta bay parlamento pasobra esey ta trabou di parlamentario di controla gobierno. E ta kere cu e cualidadnan ey y otro les cu el a yega di sigui, di derecho ta yud’e pa haci un bon trabou como parlamentario.
Pa cobertura mas amplio, lesa e edicion di TREMPAN.
