Diadomingo anochi polis a presenta patras di Mc Donald’s na Palm Beach p’un caso di kiebro y ladronicia. Aki ta caminda cu a kibra den cuater auto para band’i otro den un parkeerplaats scur. A kibra den un Hyundai i10 color blanco, un Hyundai Accent color blanco, Nissan March y un Honda Fit.
A kibra glas di tur cuater auto. For di e Accent a horta un tas cu por lo menos 180 florin den efectivo y a bay cu tas cu tur pertenencia aden. Polis a presenta y a tuma tur informacion necesario for di e victimanan. Awo, e proceso investigativo lo cuminsa, ta spera cu pronto lo pone man riba e antisocialnan aki.
