Temporada di klapchi a caba di cuminsa y esaki sigur ta trece su consecuencianan pa cu e oido di un persona. Pa cu esaki, Quota Club a bin c’un campaña di conscientisacion di cuido di oido p’e temporada aki.
Aña 2022 ta yegando su final y Quota kier a duna un mensahe pa cuido di oido. Nos ta den temporada di fin di aña y cu esaki tambe, e temporada di klapchi a cuminsa. Esaki tin consecuencia c’un persona lo por sintie afecta na su oido door di e zonido duro di e klapchi. Ivy Simmons-Hernandez, miembro activo di Quota Club, kier a trece un mensahe di parti di Quota Club, unda cu e zonido fuerte ey, pro causa cu den fraccion di algun seconde, e persona lo por perde su oido. Ta pidi specialmente pa cuida nos muchanan, no descuida nan y nan oido, ya cu nan oido ta mucho mas sensitivo pa zonido duro.
Quota Club tin earplugs disponibel, na Giselle, Mrs. Minute, K&G na Piedra Plat. Esakinan ta obtenibel tambe cerca e miembronan di Quota Club. Esunnan normal (pa adulto) tin un costo di 1 florin y esun pa mucha ta costa 2 florin.
Ban cuida nos oido awo den temporada di fin di aña contra di e zonido duro di klapchi.
