Di e total di 561 miembro di Cuerpo Policial Aruba, ta solamente 68 a participa den un encuesta organisa pa Sindicato di Polis di Aruba (SPA). Esey ta representa no mas cu 12% di tur polis di Aruba. Ta pa duna un indicacion cla cu 88% no tin interesa ni pa participa den e encuesta pa por duna nan idea of sugerencia pa ken mester dirigi e cuerpo di polis di nos isla.
Hecho ta, na un forma sorpresivo, formado di gobierno, mr. Evelyn Wever-Croes a sali anuncia cu a yega na un acuerdo cu altocomisario Vannesa Tjon-Kock, cu e ultimo aki mester move di su posicion pa su casa, Rocco Tjon, por bira Minister di Husticia. E ultimo aki a cay den masha mal tera den comunidad, specialmente cerca e hende muhe nan, cu ta sinti cu na aña 2021 ainda na Aruba un hende homber ta sacrifica su casa pa e por crece y desaroya den su carera. Di otro banda, ta un realidad, manera cu e formado mes a confirma, cu siendo un minister di husticia, cu bo casa no por ta e altocomisario pasobra e ta representa un conflicto di interes directo. Pero en bes di nombra un otro minister di husticia y kisas nombra Tjon den un otro funcion, a scoge pa complace cu e politico y sacrifica e casa, sin tene cuenta cu su estudio, experencia y su mesun plannan pa futuro.
Hopi a hasta cuestiona e rol di e Minister di Husticia saliente, esta mr. Andin Bikker cu nunca a sali ni pa defende Vanessa Tjon-Kock ni tampoco pa sostene e decision di su colega Prome Minister. Ta parce cu Bikker a scoge pa e posicion neutral, cu no ta yuda tampoco den e discusion cu a lanta den nos comunidad. Ta manera cu tur hende ta bira lomba pa e realidad y haci manera cu nos no ta mira, ni tende ni bisa nada. Ta e mesun altocomisario cu a haya diferente reconocimento pa e forma con pa maneha polisnan den pandemia, awo ta keda sin su trabou pa su casa por forma su carera personal y politico.
Sindicato di Polis a dicidi e ora pa nan organisa un encuesta pa asina haya un indicacion cla di kico e polisnan mes ta opina riba un siguiente altocomisario pa dirigi e cuerpo y por lo menos cambia e rumbo cu e ta bayendo. Polisnan ta sinti nan mes demotiva y falta di liderazgo ultimo añanan, specialmente pa tanto metemento directo di politica den maneho di e cuerpo. A camba no un ni dos, sino tres altocomisario den e ultimo cuater añanan bou di Gabinete Wever-Croes.
Den e encuesta organisa pa Sindicato di Polis, a spera di lo haya un bista cla di su miembronan pero lamentablemente no a logra. Al contrario, polisnan a mustra nan sindicato cu nan mes no ta interesa den futuro di e cuerpo, door di keda sin vota y sin participa den e encuesta. Esaki riba su mes caba ta demostra e nivel halto di demotivacion cu ta existi memey di e polisnan na Aruba.
Di e 68 miembronan di SPA cu a participa den e encuesta cu e pregunta: Ken abo lo desea como Korspchef nobo?
