Diasabra anochi tabata apertura oficial di e sede nobo di partido Pueblo Prome na Dakota, situa net pariba di e botica. Durante di e evento por a sera conoci cu e candidatonan y alabes registra como miembro of aporta cu un donacion.
Durante di e encuentro nan a presenta nan vision pa pueblo di Aruba. Michael Williams, lider di e partido, a indica cu por fin tin un partido cu a lanta pa bin defende bo, pa bin lanta para pa bo. Pa construi Aruba di nobo y drecha tur cos cu nan a daña. Partido Pueblo prome a cuminsa pa laga pueblo conoce unda nan ta y entrante dialuna nan lo drenta den tur skina di Aruba pa mustra pueblo henter kico ta nan plan, plan cu ta pone Aruba bek riba pia y asina ey mira Aruba florece den grandi.
Pueblo Prome a demostra cu loke nan a haci y a bin ta haci den pueblo ta caba cu corupcion. Esaki lo ta e parti di bo cu lo hiba victoria pa unda cu den tur skina di Aruba lo reina alegria.
Durante di e apertura oficial, e candidatonan a hiba palabra y trece nan punto y vision dilanti kico nan lo contribui cu ne.
Cu esaki, Pueblo Prome ta ranca sali pa eleccion 2021, cu lo tuma luga dia 25 di juni proximo.
