Mo-B Lab ta un mobile maker space, cu ta introduci mucha na various actividad den e areanan di Ciencia, Tecnologia, Ingenieria y Matematica y Arte (CTIMA). Esaki ta inclui entre otro: coding, circuito electronico, diseño 3D, realidad virtual, y diseño grafico. Ademas Mo-B ta trece acceso na buki. Despues di a lanza na 2018, Mo-B a stop di core na 2020 pero e aña escolar di 2022-2023 un biaha mas Mo-B tabata riba caminda.
Den aña escolar aki Mo-B bus a bishita 8 bario cu ta inclui Paradera, Noord, Oranjestad, Madiki, Brasil, Santa Cruz, San Nicolas y Dakota. Mas cu 16 skol a participa entre otro Maria Goretti College, Colegio Pastoor Kranwinkel, St Anna School, Rosario College, St Rosa College, Colegio Bon Bini, St Franciscus College, St Micheal school, Colegio Cristo Rey, Maria School, Colegio Cristo Rey, Colegio San Hose, Colegio Santa Filomena, Mon Plasier, Pius X School, Nos Fortalesa Montessori. Esaki a trece mas cu cinco mil (5000) studiante riba Mo-B pa siña y experimenta.
E muchanan tawata bou guia di Suyin Ridderstaat den diseño grafico. E mes a studia Communication y Marketing como tambe illustration na Rotterdam. Nichole Danser cu a duna sesion di ciencia, ingenieria y matematica y e mes a studia educacion den matematica y computer systems na California. Como assistent riba MO-B nos tawata tin stagiaires di EPI Ingmar Boekhoudt y Myron Saladin y Stephanie Richardson maestra di mathematica. Como asistente di boluntario tabata t’ey Melissa Scharn-Merijer, Ingeniero di Software.
Durante aña escolar 2022-2023 Mo-B Lab ta un proyecto financia door di Aruba Futura Foundation y cu apoyo di Prins Bernhard Cultuurfonds Caribisch Gebied pa e stagiaires. Metabolic Foundation a ekipa espacio, mientras cu e bus mes ta di Biblioteca Nacional di Aruba.
Lastimosamente e proyecto di MO-B lo caba e aña escolar ki door cu Futura no por sigui apoya e proyecto aki financieramente.
Toch e proyecto lo bin bek den un otro forma den e aña escolar binidero den un colaboracion cu Universidad di Aruba keda pendiente pa mas informacion.
