E proyecto di renobacion di Wilhelminastraat ta uno parti den diferente fase. Y probablemente pa e aña’ki lo no finalisa cu ne.
Elisa Chieh Chen, Manager di Comunicacion di Departamento di Obranan Publico (DOW), a splica cu e trabou cu DOW ta realisando den Wilhelminastraat te awo ta bay segun schedule programa. AE ta un trabou cu tin andando unda antes tabata Masy Fral. Y a cuminsa cu esaki mas o menos dos siman pasa.
Segun e funcionario a duna di conoce, e plan ta encera cu den luna di juni mester finalisa e trabou. Awo nan a habri of kita henter e parti ariba di e caminda, cu tabatin mester di un capa nobo. No solamente e caminda, pero tambe ta drecha e parti na banda, esta e acera.
E ultimo fase cu ta yega te na Plaza Daniel Leo ta esun mas grandi. Y esey probablemente lo tuma luga otro aña. A parti e proyecto di embeyecemento den diferente fase pa otro contratistanan tambe haya chens pa gana un destaho den ehecucion di e proyecto aki.
