Awenochi den e backyard di Patio 15 lo tin un anochi fabuloso organisa pa Aruba Gay Guide. ‘Be Proud and Dance’ ta e tema di e anochi cu hopi musica di diferente dj’s, animacion di e conocido Allan Kock y hopi sorpresa. E concepto tras di e anochi ta cu cada persona mester ta orguyoso di ken nan ta y celebra esaki. Lo tin specials riba Tequila y Fireball entre 8 or du 10 or di anochi. Musica lo ta na encarga di dj Rick B y dj Fenix. E musica lo ta varia henter anochi. Backyard by Patio 15 ta situa na Weststraat 15 banda di Arubus. E musica lo start for di 8 or caba. Entrada ta solamente 15 florin.
