Sharline Koolman hefe di Departamento di Malesanan Contagioso, a splica cu asina cu e damanan drenta Aruba nan ta haci e testnan. E damanan trahando den bar na San Nicolas den prostitucion, ta tres luna nan ta haya cu nan por keda Aruba unda cu nan ta haya un permiso pa traha.
Si durante e tres lunanan aki e damanan no usa proteccion no por garantisa e siguridad durante e tres lunanan aki. Ora cu e damanan aki bay DVG, ta papia cu nan y ta splica nan pa nan warda. Nan ta bin pa traha pa gana placa. Mescos cu un di nos cu kier bay traha un caminda y no kier bira malo, pasobra si bira malo, no tin entrada. Den nan caso, nan no tin entrada. E momento cu nan haya un malesa y bay otro pais cu tambe ta controla, nan no tin trabou segun e hefe di DBZ.
Pa nan e ta un parti di nan trabao cu nan mester cuida nan mes. Sino trabao a caba eynan. Basa riba esey, ta papia cu nan ora cu nan bay dialuna. Ta splica nan cu den e barnan semper tin condom disponibel. Haci uzo di nan y ta haci nan mas conciente. Tin di nan ta bin hopi hoben y e ora tin cu splica nan e parti ey, pa nan compronde mas miho. Esunnan cu ta mas grandi, riba 30 of 40 aña, hopi biaha nan ta mas conciente. Nan ta compronde y sa e reglanan mas miho. No ta Aruba ta e unico caminda cu nan a bin. Pa nan e ta importante, pasobra e persona ta sigui traha. E ora nan ta hopi mas conciente y nan ta uza un condom hopi mas lihe. Pero tambe locual ta scucha di nan, pasobra nan ta bay tur siman e dokter di control. Esey ta tur diahuebs of diabierna, cu nan ta obliga pa bay cerca dje. Locual nan ta geef aan si, tin biaha cu nan ta wordo ofreci pa no haci uzo di condom. E cliente ta pone su mes na peliger, pero en realidad ta pone e prostituta tambe na peliger, pasobra tur dos por tin algo y tur dos por pega otro cu algo.
Nan ta wordo ofreci si pa tene relacion sexual sin condom. Eynan, depende e necesidad financiero di e prostituta, e por bay di acuerdo. Pero atrobe, ta keda na su consenshi.
Tin malesa cu por ta, cu despues di 5 pa 6 dia por wak’e caba, manera sifilis, of gonorea. Pero tin otro malesanan manera HIV, despues di basta tempo tin algo of otro malesanan transmiti sexualmente. E ta si y e ta no. Ta stress riba esaki, apesar cu e personanan aki ta controla, haci uzo di e condom, ta e parti mas facil awor aki.
