Awe mainta a inicia trabou di parti DOW pa asfalta diferente bario den Noord. Seneblar, Brusca y Hato a toca turno pa haya asfalt. Trabounan a inicia for di 9’or di mainta te cu 4:00 pm. P’e rest’i siman aki te cu diabierna e team di DOW lo ta bezig ta asfalta cayanan di santo cu habitantenan tin hopi aña ta warda.
Ultimo, gobierno a anuncia maneho nobo relaciona cu asfalt y luz pa caya. A forma un team special consisti di varios departamento cu meta pa analisa cua bario ainda tin necesidad pa tanto luz como asfalt. E prome minister, cu por cierto ta encargo cu infrastructura, a menciona den un conferencia di prensa cu e maneho nobo ta uno importante.
Debi cu antes ta traha riba peticion, pues cada bario cu haci peticion na DOW pa asfalt e ora lo actua. E maneho di peticion ta keda pa pasado. Lo atende cu e peticionnan cu ta aden caba pa djey switch pa e maneho nobo.
