Dialuna mainta Prome Minister Evelyn Wever-Croes a reuni cu Embahador di Alemania kende ta staciona na Den Haag, Hulanda, señor dr. Cyrill Jean Nunn. Esaki ta e prome bishita di Nunn na Aruba. Aruba ta cay bou di e particion di maneho di Embahada di Alemania na Den Haag.
Acompaña pa Nunn tabata Consul Honorario Alemania na Aruba, Landa Cohen Henriquez-Jansen y Ghislaine Nicolas di Directie Buitenlandse Betrekkingen (DBB).
Durante e reunion, Prome Minister a informa señor Nunn di e situacion di Aruba y su recuperacion despues di varios crisis y nan efectonan den e ultimo añanan. Embahador Nunn a expresa interes den sa den ki area Aruba tin mester di mas asistencia pa asina e yuda atrae mas inversionista y turista di Alemania pa Aruba. A yega na e palabracionnan riba esaki.
Nunn a keda hopi impresiona di sa con Aruba ta recuperando como tambe di e deseo y empeño di Aruba pa ta miho cada dia y specialmente pa sali for di e pandemia na un forma miho cu nos tabata ta prome cu e pandemia.
“Tabata un bon reunion sigur cu lo estrecha mas laso cu e otro paisnan Europeo pa fortifica nos economia”, prome minister a duna di conoce.
