Un tribon a ataca un turista Frances na St. Martin diahuebs y a fayece, autoridadnan local a informa na e agencia di noticia AP. Esaki ta e prome atake di tribon fatal den e historia reciente di e isla.
E muhe Frances di 38 aña tabata landando mas of menos 150 meter di e costa ora cu a atak’e. E animal a ranca un pia.
Segun e agencia di noticia AP, e atake a tuma luga cerca di e beach popular di Orient Bay na e banda Frances di e isla. Poco despues, Gobierno a implementa un prohibicion di dos dia di landamento y deporte acuatico riba tur e beachnan.
AP ta indica cu solamente un biaha den historia reciente a informa di un atake di tribon na St. Maarten. Ta bisa cu e persona a sobrevivi e atake aki na 2005.
Desde principio di e siglo aki, ta bisa cu a morte 34 landado cerca di e islanan di Caribe, di cual 4 no a sobrevivi e atake.
Ainda no ta cla ki tipo di tribon a ataca e Francesnan. Cerca di e region unda cu a ataca e turista, tribonnan di rif entre otro ta esunnan principal, cu generalmente ta inofensivo pa humano. Ta bisa cu ocasionalmente tin tribonnan tiger y toro den e zona.
