Un ataca di curason, combina cu retonan di salud debi na diabetes y presion halto, a conduci na un operacion urgente awe mainta den hospital. Aunke na un principio e resultado a mustra positivo, toch 10 minuut despues di e operacion, a presenta complicacion atrobe cu a conduci cu Eric Nassy a fayece.
Eric Rudy Nassy ta naci dia 5 di september 1959, pues tin 60 aña di edad. E ta bay laga un yiu atras, Germain Nassy, y tin un nieto. E ta un boluntario conoci na YMCA San Nicolas y tur merdia ta yuda pa cushina y parti como 300 cuminda na esunnan den mas necesidad. E ta conoci pa semper yuda te caminda e por.
Den pasado Eric Nassy tabata traha cu ex Minister di Husticia, Watty Vos y tabata un figura prominente den e lucha contra droga y adiccion. A prepara varios plan y a yuda desaroya varios forma di cooperacion pa manda adictonan pa rehabilita den exterior. Tambe el a traha incansabel pa desaroyo y ideanan nobo pa San Nicolas, entre otro cu San Nicolas Business Association.
Forsa na su famia y conocinan, den e momentonan di tristesa aki. Nos palabranan di condolencia na famia Nassy.
