SOGA a tuma nota di un rueda di prensa duna pa director di hospital, Ezzard Cilie, diabierna mainta, dia 20 di september, 2019 y tambe un rueda di prensa duna pa minister Dangui Oduber.
John Hodgson, presidente di SOGA, a comenta cu durante e ultimo dianan a circula hopi comunicado den media tocante SOGA riba e proyecto di expansion y renobacion di hospital cu no ta cuadra cu realidad.
Te cu awo nan a prefera di abstene di reacciona mucho den media. Awor aki a dicidi pa reacciona riba specificamente dos punto.
E puntonan ta e incidente di awa cu a drenta e departamento di SEH y e ponencia di falta di cama pa pashent.
Project manager di SOGA, Michael Habibe a duna un splicacion riba e incidente cu a pasa diabierna marduga.
Pa 2’or y 15 di marduga a haya yamada for di hospital cu tabata tin awa den e departamento di emergencia. Como SOGA y hospital, tin un protocol di mantencion di tur e facilidadnan cu ta andando y e acuerdo ta cu ora tin un first response, mester bay via e beheerder, cual ta Kroon Maintenance.
E yamada mester a bay directamente pa nan, pa meld riba e situacion, pero esey no a bin aden pa nan. Unabes cu nan no a haya un response riba esey, ta logico cu e otro persona di contacto, cual ta Ruben Croes di Hospital, a yama Habibe y avisa di e situacion.
Na e sitio, a constata cu awa tabata saliendo for di un di e espacionan di kantoor di hospital y a puntra ken nan a yama. A resulta cu no a yama Kroon. A base di esaki Habibe a yama tur otro instancia pa alivia e situacion pa loke tabata pasando e momento ey. A yama CAS, cual ta un subcontratista cu mester a bin wak kico tabata pasando. A ripara cu e tabata tin di haber cu e fitting caminda cu e awa tabata pasa. Nan a bin despues di mey ora, segun Habibe. Den e proceso di esey, a purba di saca mayoria di e awa cu tabata cayendo den e departamento, cu tur hende su yudansa y diferente pa haci e luga limpi.
Eventualmente CAS a yega na e sitio. Nan a constata cu tabata tin un fitting cu a los e momento ey, aparentemente lo ta di e presion inmenso cu tabata tin den e backflow. Nan a logra pega esaki y ora a haci esaki, e sistema di drenahe a funciona como debe ser.
Di biaha a schakel in diferente otro compania pa nan bin consolida tur e awa cu a cay den departamento di Emergencia.
Total Service a bin pa vacuum e awa, haci tur e areanan afecta limpi. Esey a sosode conforme palabracion. Pa mas of menos 2’or y mey pa 2’or y 45 a logra isola mayoria di e awa cu a cay den e espacio te banda di 4’or y 15. Despues a sigui cu e limpiesa di e areanan concerni.
Awor aki SOGA ta bezig ta wak un ke otro. Pero ta asumi cu e sistema di Hemelwaterafvoer no ta funciona como debe ser. Obviamente un backflow lo a sosode. Un caminda mester tin un verstopping cu ta preveni e awa core manera mester ta. Esey ta bezig ta investigando aworaki. Den e proceso di e incidente tambe, a bay na e luga pa wak si tabata tin obstruccion cu tabata preveni pa awa core. Hospital ta responsabel pa mantencion di e area. Segun Habibe, tabata tin hopi ontkruid den e sistema. E sushi mes tabata evita cu e awa tabata sigui core riba e tereno cu ta tuma e Hemelwateruitvoer. A haci limpiesa di esey, cual a duna un alivio e dia siguiente.
Diadomingo tambe a yama SOGA cu tin un verstopping. Ora cu a bay eynan, a constata cu hospital tabata bezig ta haciendo chekeo riba un posibel verstopping di e sistema di Hemelwaterafvoer. A base di loke a wak, e ta indica cu tabata tin blokeo cu a wordo soluciona. Aworaki te cu dialuna mainta, ta riba un verstopping
SOGA ta bezig ta wak conhuntamente cu hospital con por mantene cu e fluho por sigui y pa no tin ningun obstruccion riba e resto di e instalacionnan. A haya otro dañonan riba e areanan cu ta renobando. Entre otro riba cinco piso door di e backflow cu a sosode diabierna marduga. Kier a yega na tur e obstruccionnan pa soluciona tur e problema y cu tin un bon acceso na esey pa por revisa. Kier pone atencion riba esaki pa revisa e resto di fittingnan y ta spera cu por haya acceso pa por haci esey ainda pa mira si no tin mas obstruccion.
