Diabierna anochi alrededor di 9:15 pm a surgi un problema di famia den Caya Franse Bloem na Noord. No ta conoci kico exacto a pasa. Segun informacion, e tata tabatin un discusion formal cu e mama y a bay asina leu di kibra un glas di auto.
Varios unidad di polis a presenta na sitio pa atende cu e sucedido. E tata y un yiu a resulta herida despues di corta nan man n’e glas di auto. Na final a detene e tata y hib’e pa warda di polis caminda un subfiscal lo dicta riba su encarselacion.
Prome a hib’e pa warda di strand politie caminda un subfiscal a splic’e sospechoso riba su derechonan pa djey hib’e pa warda di Shaba. Polis forensico a presenta na e cas mirando cu ta trata di destruccion, ta pendiente mas informacion concreto di e caso aki.
