Ora no paga WEB, ta obliga di fia awa di bisiña. Ta netamente locual Gina Barret di Madiki ta haci tur luna. Mirando cu a laga debe atras na e apartamento unda e ta biba, e no tin acceso na awa limpi for di cranchi.
Barrett ta paga 125 florin tur luna pa e por haya awa limpi, via un slang for di su bisiña. Tur dia tin problema y insulto pa via di fiamento di awa. Tin ora ta bay asina leu di hasta kita slang, pa señora Barett cu ta huur un apartamento, keda sin awa.
Awe, tabata “ta basta”, ora cu yiu di e señora grandi a tuma nota con nan ta trata su mama. A start un intercambio di palabra formal, cos a bay asina leu cu por poco nan a kap otro. Bat y machete tabata parti di e problema, pero pa ora cu polis a yega, ya a sconde e armanan aki.
Un total di tres unidad di polis a presenta na sitio pa atende cu e problema aki. Polis lo sigui vigila e situacion aki, mirando cu ta premira mas problema na e mesun adres.
