Awe tardi a nota un grupo ta kitesurf na altura di Grapefield. T’un area conoci pa practica e deporte di kitesurf, den cual surfdonan ta haci uzo di e biento fuerte eytras pa por mobilisa riba lama.
Como cu awe ta dia liber y tur caminda ta cera, un grupo a presenta pa practica e deporte aki.
Kitesurfing parce ta poco mas facil pa siña cu windsurfing mes. Pa loke ta e peliger rond di e deporte, ta resulta cu kitesurfing ta relativamente sigur. Ta conta no mas cu shete accidente pa cada 1000 ora di actividad fisico di kitesurfing. Si compar’e cu otro disciplinanan di deporte, manera por ehempel American Football, ey tin 36 accidente pa cada 1000 ora di actividad mientras cu futbol regular tin 19 accidente pa 1000 actividad fisico.
