Den cuadro di e reunion publico cu a tuma luga awe mainta den Parlamento pa loke ta e tratamento di ley di ombudsman, e presidente di parlamento, mr. Edgard Vrolijk a lamenta cu no a logra haya dos tercio di voto di apoyo pa ancra esaki den nos constitucion. Pues, segun ley, mester haya un mayoria pa por ancra esaki y resultado di esaki tabata diesun pro y dies contra.
Vrolijk a inicia bisando cu e ta hopi desapunta cu e resultado di awe y cu el a scucha un cantidad di atake cu e no a haci nada pa trece tur hende hunto siendo cu, segun su persona, dos luna largo el a keda riba e tema, pero ta yega dado momento cu “cada ken mester carga nan mesun responsabilidad”. Asina el a sigui splica cu el a purba di yega na un solucion, pero alabes kier a duna pueblo un bista di ken ta para p’e ombudsman y ken no.
Mester subraya, segun Vrolijk, cu no ta trata aki di ombudsman so sino cu aworaki no por trata e ley di Raad van Advies den parlamento, pues debi cu no a logra hancra esaki, awo e ley tin cu keda benta un banda. “Nos ta kibra proceso democratico den un pais pa bienestar propio”, añadiendo cu algun miembro di parlamento “mester ayudo psicologico”.
Pa un relato mas amplio lesa edicion di TREMPAN.
