Presidente di Corte Comun di Curaçao, St. Maarten, Aruba y e islanan BES, mr. Mauritsz de Kort a haci un bishita di cortesia na Minister Plenipotenciario Guillfred Besaril.
Entrante prome di januari di e aña aki, sr. De Kort a tuma e posicion aki di mr. Eunice Saleh, kende a duna di conoce di no ta desea pa bai pa un segundo periodo como presidente di Corte Comun. Mauritsz de Kort ta desde 2011huez na Curaçao y na 2017ela keda apunta como Vice-presidente di Corte Comun.
Sr. Mauritsz de Kort ta na Hulanda pa un bishita di trabao den cual ela bishita diferente Colegionan Hudicial, manera Corte Supremo, Raad van State y Centrale Raad van Beroep. Banda di un bishita na e tres ministernan Plenipotenciario sr. De Kort tabata tin un encuentro cu sr. Franc Weerwind, minister pa Rechtsbescherming.
Sr. Mauritsz de Kort ta e prome Arubiano cu a keda nombra den e funcion di Presidente di Corte Comun.
