No ta un ni dos, sino ta cuarenta aña Maybelline Arends-Croes a dedica na musica. El a studia na conservatorio na Hulanda, a traha como docente di musica na scol. El a baha cu pensioen na aña 2008 pero ainda ta activo. Prins Bernhard Cultuurfonds Caribisch Gebied a honr’e ayera nochi durante un evento masha special cu e “Premio Cultural”.
Halder Lam como presidente y Des Croes como vice-presidente di Prins Bernhard Cultuurfonds Caribisch Gebied a entreg’e e premio, den presencia di su famia, di otro figuranan den cultura y den presencia di su grupo Melange. E anochi tabata masha ameno.
Den nos edicion di TREMPAN di dialuna, lo tin un cobertura amplio di e evento aki. Masha pabien na Maybelline Arends-Croes pa su premio bon mereci.
