Dia 14, 15 y 16 di december bo por ‘Walk-In’ y haya bo vacuna na Centro Deportivo Libertador Betico Croes.
Jurette Croes, relacionista publico di Departamento di Salud Publico (DVG), a comenta cu e tres dianan aki ta pa tur vacuna. Esunnan cu no a vacuna por bin. Ta p’e motibo aki tin e unidad mobil di Bureau Rampenbestrijding Aruba (BRA). Tur loke ta prome y di dos vacuna lo ta duna den e unidad mobil aki.
Esunnan cu falta nan prome of nan di dos vacuna ta un cantidad limita, mas of menos 20 mil persona. Ta laga esaki sosode den e unidad mobil.
Loke ta e di tres vacuna of boostershot, lo ta duna den Centro Deportivo Libertador Betico Croes, pasobra e cantidad di persona cu mester di e booster ta mas grandi.
Desde dialuna a reduci e edad di esunnan cu por bin busca e vacuna (e boostershot) di 60 pa 55 aña. Tur persona di 55 aña bay ariba por acudi den e tres dianan aki, esta diamars, 14, diaranson 15 y diahuebs dia 16, nan por Walk-In den Centro Deportivo Libertad Betico Croes, pa busca nan vacuna.
Pa un cobertura mas amplio lesa e edicion di TREMPAN di mañan.
