Di parti di directiva di Maria College, den un comunicado, a anuncia cu tin algun alumno a test positivo pa COVID-19 y den deliberacion cu DVG, a dicidi di e manera aki pa manda tur alumno di examenklas cas y sigui cu lesnan online.
Ta trata aki di un grupo di studiantenan di 4de klas cu a bay come pizza diasabra. Mientras tanto dialuna no tabatin scol. Diamars a informa cu un di e muchanan a test positivo. Motibo di esey a manda tur esnancu tabata hunto den e grupo cu a bay come pizza cas como medida di precaucion.
Despues a drenta informacion cu a bin dos caso positivo extra. E momento ey a dicidi, den consulta cu DVG, pa manda e klas di e alumnonan positivo cas.
Riba esaki, directiva di scol a informa DVG cu e alumnonan di 4de no tur ora ta tuma les semper hunto. E klasnan semper no ta mesun cos y na Maria College tin seis examen klas. Den deliberacion cu DVG y naturalmente cu JGZ (Jeugd Gezondheid Zorg) a pidi cu si por sigura cu e muchanan por sigui nan lesnan online, ta laga nan sigui haci nan les riba internet, e ora lo por manda tur e 6 grupo di 4de klassers cas den cuarentena. Ta trata aki di un averahe di 100 mucha cu lo haya les na cas, cual ta tur seis 4de klasnan.
Mientras tanto docentenan lo percura pa enseñansa continua den forma di lesnan online via Google Classroom.
Por ultimo e scol a enfatisa cu tur medida tuma ta pa prevencion y no tin motibo pa drenta den panico.
