Diadomingo merdia polis riba caya a haya e yamada di coremento iresponsabel di un chauffeur di taxi, TX-32. Polis a haya informacion cu entre e ruta di Sasaki y LG Smith Boulevard, e taxista tabata core hopi iresponsabel pasando auto, treciendo trafico na peliger.
Polis a cuminsa cu un buskeda mesora y a bin topa cu e persona aki na altura di Royal Plaza y a par’e banda di ex-DOW.
Mas cu unidad di polis a yega y a hala su atencion riba coremento iresponsabel. Parce cu ta un dia hopi druk, segun e taxista.
Taxinan ta purba mas cu por pa core riba caya. Pero e taxista aki tabatin mala suerte. Su coremento iresponsabel a causa cu hende atento a yama, pasobra nan a sinti cu e tabata pone trafico na peliger.
Despues di a hala su atencion, e por a sigui cu su caminda.
