Diadomingo merdia yamada a drenta na polis cu tin un Nissan March coriendo hopi iresponsabel na altura di Camacuri, bayendo direccion pabao riba LG Smith Boulevard.
Unidadnan di polis a move mesora. Na momento cu nan a yega, a topa cu e chauffeur di e auto riba LG Smith Boulevard, net prome cu compleho di condominio Piramid. Aki ta caminda polis a dun’e señal pa para.
A bin resulta cu e chauffeur tabata laat pa trabao. P’esey e mester a pasa algun auto pa e por a yega mas lihe cu ta posibel.
Polis a hala su atencion fuertemente. El a priminti di lo core trankilamente bay su trabao.
