“E parada a bay bon, cu ningun incidente serio”, asina Irma Gordon, Comisario di Polis a duna di conoce den un entrevista cu 24ora.com despues di Parada di Flambeu. El a keda satisfecho cu e comportacion di e participantenan, cu tabata mas o menos 15 mil hende den 12 grupo y e publico para canto di caminda. Tabatin un cantidad di Polis riba pia pa por a garantisa ordo publico riba caminda.
E unico incidente chikito den e parada tabata cu e trailer di Dushi Band a haya problema, pa cual mester a percura pa reemplasa e generator.
Segun e Comisario di Polis, te na e brug di Renaissance Hotel tur cos a cana bon. Despues di esey a ripara cu gruponan grandi cu ta forma buraco y asina stroba e parada. Cuanto detencion tabatin durante e parada mes e Comisario no tabata sa, pero no tabata hopi.
